Қазақстандағы инвестиция: Anthropic компаниясына $1,8 млн мәміле жасалды

Қазақстандық инвесторлар Anthropic атты жасанды интеллект саласындағы жетекші компанияға $1,8 миллион инвестиция салды. Бұл қадам Қазақстанның жаһандық технологиялық инновацияларға белсенді түрде қатысуға ұмтылысын көрсетеді, деп хабарлайды DKNews.kz.

"Жасанды интеллект қазір тек технологиялық әлемдегі жаңалық қана емес, күнделікті өміріміздің ажырамас бөлігіне айналды. Бұл көптеген салаларда — медицинадан бастап білімге дейін — қызметтерді ыңғайлы және процестерді тиімді ете отырып қолданылады. Осы саладағы ең елеулі серпілістердің бірі Anthropic компаниясының Claude3 тілдік моделі болды, ол көптеген бағыттарда өзінің бәсекелесі OpenAI-дің GPT-4 моделінен озды. Бұл біздің жасанды интеллект саласына екінші инвестициямыз. Қазақстан инвестициялық қоғамдастығының қатысушылары жасанды интеллект бағытындағы үздік мәмілелерге түсінікті әрі ашық инфрақұрылым арқылы қол жеткізе алатынына қуаныштымыз." Raison басқарушы серіктесі Андрей Березин

Бұған дейін Amazon компаниясы осы компанияға $2,75 миллиард инвестиция құйып, үлесін $4 млрд-қа дейін арттырды. Соңғы жыл ішінде Anthropic бес түрлі қаржыландыру келісімін жасап, жалпы $7,3 миллиард тартты. Компания инвесторлары қатарында Alphabet (Google иесі) де бар.

Anthropic генеративті жасанды интеллект саласындағы көшбасшылардың бірі болып табылады: сарапшылар Claude3 тілдік моделін бәсекелестеріне қарағанда елеулі жаңалық деп бағалайды. Оның ерекшелігі — мультимодальдылығы, яғни мәтіндік пен визуалды деректерді түсініп, талдай алу мүмкіндігі. Жасанды интеллект моделінің функционалдығын кеңейту оны әртүрлі салада — білімнен бастап медицинаға дейін — икемді пайдалануға, әрі жаңа перспективалар ашуға жол ашады.

Ескерту: «Тауар таңбасын пайдалану тек ақпараттық мақсатта іске асырылған және бұл мақұлдау не серіктестік барын білдірмейді. Сондай-ақ, осы хабарламаның мазмұны тек ақпараттық мақсатта ғана беріледі және ол қандай да бір бағалы қағаздарды сатып алу немесе сатуға, жазылуға немесе сатып алуға ұсыныс, не ұсынысты қабылдау болып табылмайды.»