Raison Sift компаниясына инвестиция құйды

Raison Asset Management — халықаралық инвестициялық компаниясы америкалық Sift стартапына инвестиция салды. Sift сандық алаяқтықтың алдын алуға арналған жасанды интеллект платформасын әзірлейді. Инвестиция VC қайталама нарығында жүзеге асырылды, инвестиция көлемі жарияланбаған.

Sift — онлайн кибершабуылдарды анықтауға арналған жасанды интеллект платформасы. Компания сандық алаяқтықты анықтап, алдын алуға арналған SaaS шешімдерін ұсынады. Бұл платформаны McDonald's, Twitter, Airbnb, DoorDash, Twilio және басқа да ірі компаниялар пайдаланады. Стартаптың бағалануы 2021 жылдың қыркүйегіндегі инвестициялау кезеңінде $1,8 миллиардтан асты. Негізгі инвесторлар қатарында Y Combinator, Andreessen Horowitz, Insight Venture Partners, Spark Capital және Eden Ventures бар.

Алаяқтық әрекеттерді болжау және анықтау үшін Sift алгоритмдері ай сайын 70 миллиард оқиғаны қамтитын жаһандық деректер желісін талдайды. Sift-тің машиналық оқыту модельдері шабуылдаушының әр әрекетін нақты уақыт режимінде бағалайды — жалған аккаунт құрудан бастап операциялық алаяқтық пен тыйым салынған контент жариялауға дейін.

GrandViewResearch мәліметінше, 2020 жылы жаһандық алаяқтықты анықтау және болдырмау нарығының көлемі $20,98 миллиардты құрады. Бұл нарықтың жылдық орташа өсімі 15,4% деп болжанып, 2028 жылға қарай $66 миллиардқа жетеді деп күтілуде.

Sift — Raison Asset Management портфеліндегі жалғыз киберқауіпсіздік стартапы емес. Қор сондай-ақ Tanium, Samsara және Rubrik компанияларына да инвестиция салған. Samsara 2021 жылдың желтоқсанында NYSE-де сәтті листингтен өтті, инвесторлар үшін ағымдағы қайтарым 2022 жылдың 5 ақпанына $68% болуы бағаланып отыр.