Raison ерте кезеңдегі foodtech Bairro-ға қолдау көрсетті

Raison Asset Management португалиялық азық-түлік технологиялары бойынша стартап Bairro-ға 300 000 еуро көлемінде инвестиция салды. Компания азық-түліктерді, дайын тағамдарды және тұрмыстық тауарларды жедел жеткізуге маманданған. Инвестиция SAFE (Болашақтағы үлеске қарапайым келісім) форматы арқылы жүргізілді.

Қызмет Лиссабонда 2021 жылдың сәуірінде іске қосылды. Bairro-ның басты бәсекелік артықшылығы – 15–20 минутта жеткізу мен өз иелігіндегі dark store-лардың болуы. Бүгінде стартап командасында шамамен 140 қызметкер жұмыс істейді және олар аптасына 5 000-нан астам тапсырысты өңдейді.

2022 жылдың соңына дейін стартап Португалиядағы dark store санын 45-ке дейін жеткізіп, Марокко нарығына 5 dark store-мен шығуды жоспарлап отыр. Сондай-ақ, компания ақ маркалы өнім желісін іске қосуға ниетті, бұл бизнес маржасын айтарлықтай арттырады.

Стартап іске қосылған сәттен бастап, барлығы 3,7 миллион еуро көлемінде венчурлік инвестиция тартты. Raison Asset Management-тен бөлек, Bairoo-ға TMT Investments, Startup Lab, Flyer One Ventures және Insta Ventures қолдау көрсетуде.

Bairro – Raison Asset Management портфеліндегі екінші еуропалық foodtech стартапы. Қор бұған дейін Германияның 100-ден астам қалаларында жұмыс істейтін, жұмсақ дисконтқа бағытталған GetFaster азық-түлік жеткізу сервисіне де инвестор болған.