Forbes: Neuralink-тің миға арналған чиптері әлемді қалай өзгертеді

Илон Маск негізін қалаған Neuralink – нейротехнология саласындағы ең ауқымды стартаптардың бірі. Жоба өмірдің көптеген аспектілерін, оның ішінде медициналық және технологиямен өзара әрекеттесу салаларын түбегейлі өзгертуге әлеуеті бар.

Neuralink әлемді нақты қалай өзгертуде?

Neuralink басты назар аударатын бағыттарының бірі – BCI (ми-компьютер интерфейсі) технологиясының медициналық қолданылуы. Стартаптың әзірлеген құрылғылары түрлі неврологиялық аурулар мен жарақаттарды емдеуге арналған. Мысалы, Neuralink импланттары сал болып қалған пациенттердің ой күшімен компьютерлер мен протездерді басқаруына мүмкіндік береді. Бұл технология Паркинсон ауруы, эпилепсия және депрессияны емдеуге де жаңа жол ашады.

Neuralink технологиясы нейробиологиядағы ғылыми зерттеулерді едәуір жылдамдатады. Neuralink құрылғылары нейрондық белсенділікті жоғары дәлдікпен жазып алады, бұл ғалымдарға миды тереңірек түсінуге әрі әртүрлі психикалық және неврологиялық бұзылыстарды тиімді емдеудің жаңа жолдарын табуға жол ашады. Бұл ғылыми зерттеулердің жаңа көкжиектерін ашады және мидың функциясын түсінуде маңызды серпілістерге әкелуі мүмкін.

Нейроинтерфейстер адамның технологиямен өзара әрекеттесу тәсілін түбегейлі өзгерте алады. Компьютерлерді, смартфондарды және басқа да құрылғыларды мидың көмегімен тікелей басқару мүмкіндігі виртуалды және толықтырылған шындық, білім беру және күнделікті жұмыста жаңа мүмкіндіктер береді. Мысалы, адамдар тек ойымен күрделі жүйелер мен технологияларды жылдам әрі тиімді басқара алады, бұл өнімділік пен тиімділікті арттырады.

Этикалық және әлеуметтік мәселелер

«Neuralink ұсынғандай технологияларды дамыту көптеген этикалық сұрақтар тудырады. Негізгі аспектілердің бірі – мидағы деректердің құпиялығы».

Нейрондық сигналдарды жазып, талдауға мүмкіндік беретін технологиялар қолданушы туралы аса дербес ақпарат жинауға жол ашады. Бұл деректерге заңсыз қол жеткізу және оны мақсатсыз пайдалану қаупін ұлғайтады. Нейротехнологияларды дамыту қатаң этикалық қадағалау мен реттеуші шаралармен қатар жүруі тиіс, бұл ықтимал қауіптерді мейілінше азайтады.

Neuralink-ке инвестициялау

Neuralink – жеке компания, оның акциялары қазір ашық нарықтарда саудаланбайды. Компания соңғы бағалауда шамамен $5 млрд-қа бағаланып отыр. Neuralink шамамен $643 млн жеке инвестиция тартты. Негізгі инвесторлар қатарында Питер Тильдің Founders Fund қорымен қатар, OpenAI негізін қалаушы – Сэм Олтман және Google Ventures бар.

Observer мәліметіне сүйенсек, Neuralink акциялары жеке нарықта бір данасы $55 бағамен ұсынылған, бұл компанияның жалпы құнын $7 млрд-қа дейін жеткізеді. Дегенмен көрсетілген бағада акциялар нақты сатылды ма – белгісіз.

Бұл қаржыландыруға қарамастан, Neuralink әлі негізгі табыс көздерін құрмаған – компания өнімдері әзірлеу мен сынақ кезеңдерінде. Алайда, 2023 жылдың мамырында Neuralink FDA (АҚШ-тың Азық-түлік пен дәрі-дәрмек сапасын бақылау басқармасы) адамға арналған сынақтарға рұқсат алды. Ал қыркүйекте компания алғашқы чип сынағына еріктілерді іріктеу туралы жариялады. Сынақтың алғашқы кезеңі 18 айға созылады.

Компания сондай-ақ жануарларға жасалған сынақтар бойынша кейбір ұйымдардың наразылығына байланысты этикалық және реттеуші сипаттағы қиындықтармен кезігіп отыр. Соған қарамастан, FDA мақұлдауы және компанияның үздіксіз дамуы айтарлықтай өсім мен нарықтық кеңею болашағын көрсетеді.

Осы жетістіктер инвестор сенімін арттырды. Neuralink инновациялық технологиялары мен соңғы реттеушілік жетістіктері нәтижесінде жоғары өсу қарқынын көрсетті әрі инвесторлар назарын өзіне аударды. Компанияға инвестициялау маңызды нарықтық мүмкіндіктер мен перспективаларды, әсіресе коммерциялық іске асыру жақындаған сайын, уәде етеді.

Қорытынды

Neuralink — әлемді түбегейлі өзгертуге әлеуеті бар, аса келешегі зор стартаптардың бірі. Медицинадағы жетістіктерден бастап, технологиялармен жаңа форматта өзара әрекеттесуге дейін – компанияның әлеуеті орасан. Дегенмен, этикалық және әлеуметтік мәселелерді ескеру әрі тиімді шешу – бұл технологияларды қауіпсіз әрі тиімді қолданудың маңызды кепілі. Neuralink әлемді өзгертуді бастап кетті, ал алдағы жылдар осы салада айтарлықтай өзгерістер мен жетістіктер әкелуі әбден мүмкін.

Ары қарай оқу

Жеке технологиялық компаниялардың акцияларын бізбен бірге сатып алғыңыз келе ме? Біздің Wealth және Growth есепшот жоспарларымен танысыңыз, олар эксклюзивті венчурлық капитал мәмілелеріне қол жеткізуге мүмкіндік береді!

Дисклеймер: «Тауар белгісі тек ақпараттық мақсатта қолданылады және мақұлдау немесе аффилиирлеу дегенді білдірмейді. Сондай-ақ, осы хабарламадағы ақпарат тек ақпараттық сипатқа ие және ешқандай бағалы қағаздарды сатып алуға ұсыныс болып табылмайды, сондай-ақ сату, жазылу немесе сатып алу туралы өтінім емес.»