Ақтөбедегі бизнес-таңғы ас: қалай өтті

20 қаңтарда Raison 2026 жылғы алғашқы бизнес-таңғы асын Ақтөбеде өткізді. Бұл шағын кездесу жергілікті инвесторлар мен кәсіпкерлерді 2025 жылғы инвестициялық нәтижелер мен алдағы жылдың басты басымдықтарын ашық талқылауға жинады.

Ақтөбені таңдау мақсатты болды. 2025 жылдың желтоқсанында Raison қалада жаңа кеңсе ашқан болатын, ал бизнес-таңғы ас өңірде инвестициялық қауымдастық қалыптастырудың алғашқы қадамына айналды. Команда үшін аймақтарға жақындау және инвесторлармен тікелей қарым-қатынас орнату аса маңызды – бұл тек қаржылық астаналарда ғана емес, нақты бизнес құрылып жатқан жерде де қажет.

Кездесудің негізгі сәттерінің бірі Raison-ның тең құрылтайшысы Андрей Березиннің баяндамасы болды. Ол арнайы Ақтөбеге келіп, инвесторлармен кездесті. 2025 жылғы инвестициялық ландшафтқа тоқталып, венчурлық капиталға ерекше назар аударды және бүгінгі таңда бұл актив санатына жекелеген инвесторлар неге аса көңіл бөлуі тиіс екенін түсіндірді.

Талқылауда жария нарықтардың трансформациясы, жекеменшік технологиялық компаниялардың рөлінің артуы және болашақ нарық көшбасшылары неге бұрынғыдан да ұзақ уақыт бойы жеке болып қалатыны аясында әңгіме өрбіді. Андрей сондай-ақ Raison-ның венчурдық мәмілелерді таңдау тәсілдерін, тәуекелдерді басқару және әртараптандырылған портфельдер құруға қатысты тәжірибесін, алдағы жылдардағы негізгі өсім драйвері болуы мүмкін секторларды бөлісті.

Бизнес-таңғы ас форматы кездесудің бағытын нақ көрсетті: сахна да, ресми презентациялар да жоқ — тек ашық сұрақтар, еркін пікір алмасу және тәжірибе бөлісу. Дәл осындай шынайы әрі терең диалогтар Raison қауымдастығын қалыптастырады — бұл жерде инвесторлар стратегияларды талқылап, көзқарастарымен бөлісіп, ынтымақтастық мүмкіндіктерін табады.

Ақтөбедегі бизнес-таңғы ас Raison-ның 2026 жылғы іс-шаралар күнтізбесінің ашылуына және өңірде тұрақты кездесулердің басталуына жол ашты.