Raison Securities Ltd AFSA лицензиясын алды

Raison өз позициясын әмбебап әл-ауқатты басқару шешімі ретінде күшейтуде. Raison FinTechnologies холдингінің мүшесі Raison Securities Limited AFSA* лицензиясын алды.

Бұл лицензия келесі реттелетін қызметтерді ұсынуға мүмкіндік береді:

• Инвестицияларға Агент (Брокер) ретінде делдалдық қызмет,
• Инвестицияларға Негізгі Тарап (Дилер) ретінде делдалдық қызмет,
• Инвестициялық кеңес беру,
• Инвестициялық мәмілелерді ұйымдастыру.

Брокерлік лицензияның арқасында Raison қолданушылары Raison Securities Ltd арқылы АҚШ-тың акциялары мен облигацияларын сатып алу мүмкіндігіне ие болады. Бағалы қағаздармен саудалау қосымшада алдағы 3-6 айда іске қосылады. Осы мерзімге дейін брокерлік қызметтер, инвестиция мәмілелерін ұйымдастыру және инвестициялық кеңес беру тек шектеулі клиенттерге қолжетімді болады.

Сонымен қатар, Raison венчурлық инвестиция мәмілелерін Raison Asset Management Corp. арқылы ұсынуды жалғастырады.

Raison клиенттері әртүрлі құралдарға қол жеткізеді: өз бетінше сауда жасау, инвестициялық кеңес алу немесе венчурлық инвестиция. Қазіргі инвесторлар үшін кезең оңай емес, сондықтан сенімді және түрлі қызметтер ұсынатын провайдердің болуы аса маңызды.

Андрей Березин

Raison компаниясының тең құрылтайшысы және директоры

Astana Financial Services Authority (AFSA) — Астана халықаралық қаржы орталығының (AIFC) тәуелсіз қаржы реттеушісі.

AIFC юрисдикциясында ұсынылатын қаржы қызметтерінің ауқымы әлемдік танымал қаржы орталықтарында, мысалы, Лондон, Гонконг, Сингапур, Дубайдағы қызметтер тізімімен салыстырылады.