Орал қаласындағы Raison бизнес-таңғы астары

Қаңтар айында Raison Орал қаласында екі бизнес-танғы ас ұйымдастырды, онда инвесторлар, кәсіпкерлер және жергілікті қауымдастық өкілдері бас қосты. Бұл кездесулер компанияның аймақтық бағдарламасының бір бөлігі ретінде өтті және екі өзара байланысты тақырыпқа арналды: 2025 жылғы инвестициялық нәтижелер және бизнестің аймақтық дамудағы рөлі, әсіресе білім беру арқылы.

Бірінші бизнес-танғы ас 2025 жылдың инвестициялық қорытындыларын саралап, 2026 жылға басымдықтарды талдауға арналды — бұл тақырып бұған дейін Aktobe қаласындағы Raison кездесуінде қозғалған болатын. Әңгіме барысында қарыздық және венчурлік құралдар, ашық нарықтардың трансформациясы, сондай-ақ жекеше инвесторлардың өзгермелі экономикалық ортада стратегияларын қалай құруы қажет екендігі сөз болды. Ашық формат ұсынылғандықтан, қатысушылар сұрақтар қойып, пікір білдіруге және тәжірибелерімен еркін бөлісуге мүмкіндік алды.

Екінші бизнес-танғы ас Teach for Qazaqstan жобасына және корпоративтік әлеуметтік жауапкершілік тақырыбына арналды. Кездесудің басты тақырыбы — білім берудің аймақ үшін ұзақмерзімді дамудағы, жергілікті қоғамдастықпен ара қатынасты нығайтудағы және бизнестің ашықтығы мен тұрақты дамуын қамтамасыз етудегі рөлі.

Кездесу барысында адам капиталын дамытуға бағытталған инвестициялардың аймақтың кадрлық әлеуеті мен экономикалық мүмкіндіктеріне қалай әсер ететіндігі, сондай-ақ білім беру жобаларының ұзақмерзімді нәтижелері талқыланды. Teach for Qazaqstan жүйелі көзқарастың мысалы ретінде таныстырылды — бұл бір реттік әлеуметтік жоба емес, Қазақстан аймақтарының дамуына бағытталған тұрақты әрі жүйелі модель.

Raison үшін мұндай кездесулер аймақтағы өз қатысу стратегиясының және жергілікті инвестициялық қауымдастықты дамытудың ажырамас бөлігі саналады. Оралдағы сұхбат білім беру, бизнестің әлеуметтік жауапкершілігі және капиталға ұзақмерзімді көзқарас секілді тақырыптарға қызығушылық жоғары екенін көрсетті — бұл мәселелер қаржылық көрсеткіштерден тыс, тікелей аймақтардың болашағына әсер етеді.

Оралдағы бизнес-танғы астар Raison-ның аймақтық қауымдастықты кеңейту жолындағы тағы бір қадамы болды және адамдарға әрі жергілікті ортаға инвестиция салу тұрақты бизнес-модельдің өзегі екенін тағы бір мәрте дәлелдеді.