Raison Quantum Light қорына 3 миллион доллар инвестициялады

Raison Quantum Light инвестициялық қорына 3 миллион доллар бағыттады. Бұл қор Revolut тең құрылтайшысы Николай Сторонский мен Kriya Finance негізін қалаған Илья Кондрашов тарапынан құрылған. Терең технологиялық сараптаманы және тәжірибелі венчурлық капитал стратегияларын біріктіре отырып, қор қарқынды өсіп келе жатқан технологиялық нарықтарды көздейді. Quantum Light ұстанымының негізінде ALEPH атты меншік аналитикалық платформасы жатыр. Ол 60 000-нан аса компанияны 300-ден астам параметр бойынша — қаржылық көрсеткіштерден бастап технологиялық индикаторларға дейін — бағалайды. 2015–2023 жылдар аралығында кері сынақтан өткен ALEPH инвестициялық шешімдерді қабылдау дәлілігін арттырып, тәуекелдерді төмендететін деректерге негізделген үдерісті қамтамасыз етеді. Quantum Light кеш сатыдағы инвестицияларға (Series C+) басымдық береді, тұрақты даму көрсеткіштері мен дәлелденген бірлік экономикасы бар компанияларды іріктейді. Raison мәліметінше, инвестициялау шешімі Сторонскийдің жаһандық беделі мен жасанды интеллекттің экономиканы түрлендірудегі рөліне байланысты болған. Бұл инвестиция Қазақстанға жаһандық технологиялық экожүйемен терең ықпалдасуға стратегиялық мүмкіндік береді.

Quantum Light дәстүрлі венчурлық қорлардан AI-ға бағытталған стратегиялық көзқарасы және терең сараптамасымен ерекшеленеді. Forbes бағалауынша, Николай Сторонскийдің байлығы Revolut сәттілігінің арқасында 7 миллиард доллардан асады, ол $1,8 миллиардтан көп инвестиция тартқан бірегей жобаны құрған тәжірибесімен құнды. Қор бұған дейін Robin AI сияқты үздік жобаларды қолдады: компанияның табысы AI негізіндегі келісімшарттарды автоматтандыру арқылы өткен жылда бес есеге артты. Quantum Light Robin AI-дің 2024 жылғы қаңтарда өткен $26 млн Series B айналымына қатысуымен өзге де трансформациялық идеяларды анықтауда және ілгерілетуде қабілетті екенін көрсетті, — деп атап өтеді Raison сарапшысы.