FOMC жиналысының қорытындысы: 2026 жылғы наурыз

Жылдың екінші FOMC жиналысы аяқталды. Күткендей, федералдық қор мөлшерлемесі ағымдағы 3,50–3,75% деңгейінде сақталды. АҚШ Федералдық резерв жүйесінің басқарушылар кеңесі шешімді бірауыздан қабылдады.

Комитет 2026 жылға арналған ЖІӨ өсімі бойынша болжамды 2,4%-ға дейін жақсартты, ал инфляция болжамын – PCE және Core PCE индекстері бойынша – 2,7%-ға дейін көтерді. Пайыздық мөлшерлеме (EFFR) бойынша болжам өзгеріссіз қалды: 2026 жылы 0,25% көлемінде бір рет төмендету – 3,25–3,50% аралығына дейін, 2027 жылы тағы бір төмендету – 3,00–3,25%, бұл ауқым ұзақмерзімді перспективада сақталады.

Пауэлл мырзаның сөзін қорытындылай келе, Федрезерв әлі де "күту және бақылау" қағидасын ұстанады. Экономика мықты (өсу және тұтыну сақталып отыр), ал мөлшерлеменің ағымдағы деңгейі бейтарапқа немесе шамалы шектеушіге жақын деп бағаланады. Сонымен қатар, тәуекелдердің теңгерімі ассиметриялы болды – басты назар інфляцияға ауысты. Инфляция мақсатты деңгейден жоғары қалыпта, асып бара жатыр (PCE: 2,8–3,0%) және бұл үдеріс энергия бағасы мен тарифтердің өсуі әсерінен одан әрі қарқын алуы мүмкін.

Дәл осы аяда еңбек нарығы баяулап отыр (еңбекке сұраныс азайып, жаңа жұмыс орындары нашар құрылуда). Соған қарамастан, еңбек нарығындағы өзгерістер ақша-несие саясатын тездетіп жұмсартуды талап етпейді. Ертерек жұмсарту тәуекелдері әзірге жоғары бағалануда.

Пауэлл геосаясаттағы белгісіздік жоғары екенін бірнеше рет атап өтті. Негізгі әсер ету тетігі – энергия бағасы: мұнай мен бензин бағасының өсуі инфляцияның уақытша жылдамдауына және тұтынушылар сенімінің төмендеуіне әкелуі мүмкін. Дегенмен, төраға бұл соққыларды уақытша деп санайды, алайда олардың ауқымы мен ұзақтығы қазіргі таңда нақты бағаланбайды.

FedWatch

*

Сәуірдегі жиналысқа нарықтық мөлшерлеме күтімі: 4,1% өсім; төмендету – 0%. Нарық енді 2026 жылдың соңына дейін мөлшерлемені төмендетуді бағамдамайды (жыл басындағы екі төмендету болжамымен салыстырғанда).

Нарықтың реакциясы келесідей:

• S&P 500 фьючерстері: -2,28%
• VIX: +20% (25,87)
• Алтын фьючерстері: -6,33%
• Доллар индексі фьючерстері: +0,51%
• ETF TLT (20 жылдан жоғары мемлекеттік облигациялар): -0,21%
• Bitcoin фьючерстері: -5,69%