AI ETF нарығындағы бағыт-бағдар

Жасанды интеллект саласында жұмыс жасайтын компанияларға негізделген биржалық қорлар (ETF) нарықта өте аз. Олардың кейбіреуі бір ғана жақында іске қосылды. Мысалы, CHAT қоры саудаға 2023 жылдың мамырында шықса, WISE қоры нарықта тек 2023 жылдың желтоқсанынан бастап бар. Дегенмен, үш жылдан астам саудаланып келе жатқан қорлар да бар, атап айтқанда AIQ, IGPT және THNQ. Енді осы қорлардың баға динамикасын, оларды негізгі қор индексі - SP500-мен салыстырып, қай компанияларға инвестиция салып жатқанын қарастырайық. Төмендегі салыстырмалы кестеде негізгі ETF-тер таңдалды. Тикердің астындағы бағанда әрбір қор портфелінің үлесі азаю ретімен бірінші ондықтағы компаниялар көрсетілген. Проценттері бар бағана олардың портфельдегі салмағын көрсетеді:

Бірден көзге түсетіні (жасылмен белгіленген) — алғашқы ондықтағы активтердің қайталануы. Барлық дерлік қорларда NVDA, MSFT, META, AMD, AMZN және QCOM бар. Қазіргі таңда бұл компаниялар көпшілік аузында, әрі 2023-24 жылдары қор индекстерінің өсуін негізінен осы компаниялар қамтамасыз етті. NVDA бірінші орында және ең үлкен үлеске ие.

Бұл жерде алғашқы ондық үлесінің портфельдегі жоғары концентрациясына назар аудару маңызды:

Басты ондық орта есеппен қор портфелінің 30%-дан 50%-ға дейінгі бөлігін құрайды. Мұндай елеулі салмақ нарықта бүгінгі таңда AI секторында инвестициялық қызығушылықтың, яғни түпкі өнімдегі бәсекелестіктің төмендігін көрсетеді. Әрине, бұл жағдай уақытша және нарықтағы бәсекелестік жақын арада күшейеді. Қазіргі таңда AI ETF-терге инвестиция салу — негізінен, бірнеше технологиялық алыпқа қаржы аудару деген сөз. Портфельде NVDA, AMD және QCOM секілді компаниялардың алғашқы ондықта болуы да назар аудартады. Бұл компаниялардың өнімдері AI секторындағы дамудың іргетасы болып табылады. Дегенмен, қазіргі таңда нарықта тек жасанды интеллект модельдерін әзірлеушілерге бағытталған ETF жоқ екенін атап өткім келеді. Жоғарыдағы ETF-тер портфелін мұқият қарасақ, көбіне AI-ды пайдаланатын, бірақ тікелей әзірлемейтін компаниялар ұсынылған.

Енді осы қорлардың SP500 индексімен салыстырғандағы динамикасына тоқталайық. Үш жылдық кезең (2021 жылғы наурыздан бастап):

Егер дәл үш жыл бұрын AIQ, IGPT және THNQ қорларына қаржы салсаңыз, кіріс SP500 индексінен төмен болар еді. Бұл 2022 жылғы қор нарығындағы түзетулермен түсіндіріледі. Осы кезеңде AIQ, IGPT және THNQ айтарлықтай артта қалды. Технологиялық компаниялар әлдеқайда құбылмалы (β), сонымен қатар өсіп жатқан пайыздық мөлшерлеме фазасында түзетулер кезінде қатты құлдырайды.

2022 жылғы динамика:

2022 жылғы қазан айында қор нарығында бағыты ауысып, SP500 индексі бойынша (2024 жылғы 5 наурыздағы жағдай бойынша) 41,75% өсті. Осы кезеңде барлық ETF жақсы нәтиже көрсетті. Мысалы, AIQ қоры 79,93% берсе, THNQ қоры 82,44% табыс әкелді.

Нарыққа жақында шыққан екі AI ETF: CHAT және WISE көрсеткіштеріне тоқталсақ. CHAT және SP500. CHAT (2023 жылғы 18 мамырдан бастап) индекстен екі есе артық нәтиже көрсетті: 37,64% қарсы 20,98%.

WISE (2023 жылғы 8 желтоқсаннан бастап) және SP500 салыстырғанда: 22,03% қарсы 10,30%.

Енді «біздің» ETF-терді технологиялық секторға арналған ең танымал қорлардың бірі - XLK-мен салыстырайық.

Бұл қордың алғашқы ондығына сол компаниялар кіреді: MSFT, NVDA, AVGO, AMD, CRM, ADBE, т.б. Айта кетерлігі, бүгінде портфельдің 40,61% (!), яғни 22,46% және 18,15%, MSFT пен AAPL-ға тиесілі.

Сол үш жылдық кезеңді алып қарайық. XLK қоры AI ETF-термен салыстырғанда әлдеқайда жақсы нәтиже көрсетті. IGPT және WTAI негізгі артта қалғандар болып отыр, олардың айырмашылығы тиісінше 73,48% және 73,26%:

2022 жылдың қазанынан бастап (нарықтың соңғы өсу кезеңі), AIQ және THNQ динамикасы XLK қорымен шамалас. IGPT мен WTAI қорлары 24%-ға артта қалып келеді:

Жас ETF-терге келсек, CHAT қоры (іске қосылғаннан бергі өсім):

WISE қоры (2023 жылғы 8 желтоқсаннан бастап) XLK-ден екі есе жақсы, 15,46% қарсы 7,16% нәтиже берді (дегенмен, бұл бағалау үшін тым қысқа мерзім):

Қорытындылай келе, AI секторы «бағдарланған» ETF-тер SP500 индексімен салыстырғанда нарық өскенде – жақсы нәтиже, нарық түзелгенде – әлсіз көрсеткіш көрсетті. Жалпы, AI ETF-тері өз динамикасын технологиялық сектордан алады, себебі портфельде негізгі технологиялық компаниялар үлесі тым жоғары. Ал ашық нарықтағы AI әзірлеушілерге нақты инвестиция салғандар – небәрі төрт компания: MSFT, GOOGL, META және AMZN.