Квенчерлік капитал нарығы 2025 ж. III тоқсан

Алдыңғы қатарлы аналитикалық дереккөздер – KPMG Venture Pulse, NVCA және CooleyGo – арқылы жарияланған 2025 жылдың III тоқсаны бойынша жаңа деректерді Raison командасы сараптап, бүгінгі квенчерлік капитал нарығын алға сүйрейтін негізгі факторларды анықтады.

Нарыққа шолу

III тоқсанда квенчерлік мәмілелер саны азайғанымен, барлық инвестиция көлемі жылдық есеппен 44,5%-ға өсіп, 2023–2024 жылдар деңгейінен жоғары қалды.

Диаграмма: Тоқсандар бойынша мәмілелер саны

Бұл қарама-қайшылық инвесторлардың фокусы өсу және масштабтау кезеңіндегі компанияларға – яғни кейінгі кезеңдегі қаржыландыруға – ауысқанын көрсетеді. Нарық барған сайын жетілген бизнеске, әсіресе жасанды интеллект (AI) секторына шоғырлануда.

Диаграмма: Кезең бойынша медианалық мәміле көлемі

Диаграмма: Квенчерлік мәмілелердің кезеңдер бойынша үлесі (2019–2025)

Жасанды интеллект – ең күшті өсім драйвері

Жасанды интеллект секторы квенчерлік нарықтың негізгі қозғаушысы болып қала беруде. 2025 жылдың III тоқсанының соңында медианалық мәміле көлемі $6 млн-ға жетсе, орташа көрсеткіш ірі мәмілелердің арқасында $59 млн-ға жақындады. Бұл көрсеткіштерді xAI мен Anthropic сияқты аса ірі AI-компаниялары көтеруде.

27 қазан мен 7 қараша аралығындағы ең ірі 20 квенчерлік мәміленің жалпы көлемі $2,42 млрд болды, оның $1,76 млрд-ы AI-компанияларына тиесілі.

Көптеген стартаптар жасанды интеллектте нақты қолданбалар ұсынып қана қоймай, өзге компанияларға да AI технологияларын тиімді қолдануға көмектесетін инфрақұрылым мен құралдар әзірлеумен айналысады. Осындай жобалардың қатарына Substrate және Harvey жатады.

AI/ML секторындағы медианалық және орташа мәміле көлемінің өсуі

IPO және M&A: сақтықпен қалыпқа келу белгілері

Ұзақ уақытты баяу өсуден кейін экзит нарығы – көлемі мен мәмілелер саны жағынан – тұрақты әрі сақтықпен қалыпқа келе бастады.

Диаграмма: Квенчерлік компаниялардың ірі M&A мәмілелері ($500 млн+)

IPO нарығында да бірнеше сәтті листингтер байқалды: мысалы, Figma, Firefly Aerospace пен Gemini инвесторлар сенімін нығайтты.

2025 жылдың алғашқы үш тоқсанында $500 млн-нан асатын M&A мәмілелер саны 2024 жылдың толық көрсеткішіне жақындап, жалпы құны бойынша асып түсті.

Диаграмма: Квенчерлік компаниялардың IPO белсенділігі бойынша тоқсан сайын

Бұл өзгерістер нарықтың біртіндеп қалыпқа келуі мен инвесторлардың жаңа сеніммен, бірақ сақ әрекет ете бастағанын көрсетеді.

Жаңа «единорогтар»

«Единорог» саны орташа жылдамдықпен өсуін жалғастырып, әлем бойынша 1 400-ден асты. АҚШ бұрынғысынша көшбасшы: бұл елде шамамен 750 едиорог бар.

Диаграмма: Аймақтар бойынша единорогтар саны

Түйін және болашаққа болжам

2023–2024 жылғы баяулау кезеңінен кейін квенчерлік нарық біртіндеп қалыпқа келе бастады және пандемияға дейінгі деңгейге жақындап келеді. Инвестиция көлемі артып, жасанды интеллект өсу драйверіне айналды, IPO мен M&A белсенділігі қайта жанданды.

Дегенмен, инвесторлар таңдамалы әрі сақ тәсілді ұстанып, негізінен жетілген және орнықты компанияларға басымдық беруде.

Raison квенчерлік капитал нарығындағы тенденцияларды жүйелі түрде қадағалап, cіздерге маңызды сараптамалар мен жаңалықтар ұсынуды жалғастырады. Келесі есептерімізді күтіңіз.